قومی خواتین کرکٹ ٹیم کا 24 رکنی دستہ جنوبی افریقہ کے خلاف سیریز کھیلنے کے لئے ڈربن پہنچ گئیں ہیں جبکہ ان کے کرونا ٹیسٹ کی رپورٹ بھی آ گئی ہے۔
پی سی بی کی جانب سے جاری پریس ریلیز کے مطابق پاکستان ویمن کرکٹ ٹیم کا 24 رکنی دستہ کل ڈربن پہنچا تھا، ڈربن پہنچنے پر اسکواڈ کی کروناٹیسٹنگ ہوئی۔
پی سی بی کی جانب سے جاری بیان کے مطابق پاکستان ویمن کرکٹ ٹیم کا جنوبی افریقہ پہنچنے پر کرونا ٹیسٹ کلیئر ہو گیا ہے، ویمن کرکٹ ٹیم آج آرام کرے گی۔
پاکستان کرکٹ بورڈ کی جانب سے جاری بیان کے مطابق پاکستان ویمن کرکٹ ٹیم کل سے چھ گروپس میں ٹریننگ کرے گی، ویمن کرکٹ ٹیم کی اگلی کورونا ٹیسٹنگ 15جنوری کو ہو گی۔
قومی خواتین کرکٹ ٹیم دورے کے دوران تین ایک روزہ اور تین ٹی ٹونٹی انٹرنیشنل میچز کھیلے گی. ٹیم کی قیادت جویریہ خان کریں گی۔
اس سے قبل جنوبی افریقہ روانگی سے قبل قومی خواتین کرکٹ ٹیم کی سترہ کھلاڑیوں سمیت 24 رکنی اسکواڈ کے کووڈ 19 ٹیسٹ کے نتائج کلیئر قرار دیئے گئے تھے۔
🛬 Pakistan women's team arrive in Durban 🇿🇦!#BackOurGirls #HarHaalMainCricket pic.twitter.com/wUl5vIaRAY
— Pakistan Cricket (@TheRealPCB) January 12, 2021
