26 جنوری, 2021
d988d8a7d8b1d986d8b1 d986db92 d985d8add985d8af d8b3d8b1d8a7d8ac d8b3db92 d985d8b9d8b0d8b1d8aa daa9d8b1 d984db8c
کرکٹکھیل

وارنر نے محمد سراج سے معذرت کر لی

آسٹریلیا کے مایہ ناز بیٹسمین ڈیوڈ وارنر نے تماشائیوں کی جانب سے بھارتی ٹیم کے مسلمان کھلاڑی محمد سراج کو نسلی تعصب کا نشانہ بنائے جانے پر معافی مانگ لی۔

ڈیوڈ وارنر نے انسٹاگرام پر پوسٹ میں بھارتی کھلاڑیوں کو نسل پرستانہ جملے کسنے کے واقعے پر معذرت کرتے ہوئے لکھا کہ تمائشیوں کی جانب سے اس طرح کے جملے کسنے پر وہ محمد سراج اور بھارتی ٹیم سے معافی مانگتے ہیں۔

آسٹریلوی بیٹسمین نے لکھا کہ نسل پرستانہ جملے اور اس طرح تعصب کا نشانہ بنایا جانا کسی طرح سے بھی قابل قبول نہیں ہے۔

انہوں نے اس امید کا اظہار کیا کہ اگلے میچ میں ہوم کراوڈ کی جانب سے بہتر رویہ اپنایا جائے گا۔

بھارت اور آسٹریلیا کے درمیان سڈنی ٹیسٹ کے تیسرے روز بھارتی کھلاڑیوں پر تماشائیوں کی جانب سے نسلی تعصب کے جملے کسے گئے۔

چار بھارتی کھلاڑیوں کی جانب سے نسلی تعصب کا شکار ہونے کی شکایت کی گئی، نسلی تعصب کا شکار ہونے والے کھلاڑیوں میں فاسٹ بولر محمد سراج بھی شامل ہیں۔

فاسٹ بولر جسپریت بمرا کو بھی میچ کے دوران بھارتی کوچنگ اسٹاف سے بات کرتے ہوئے دیکھا گیا جب وہ آؤٹ فیلڈ میں کھڑے تھے جبکہ رہانے نے فیلڈ امپائر پال ولسن اور پال ریفل کو اس وقت بدسلوکی سے آگاہ کیا۔

d988d8a7d8b1d986d8b1 d986db92 d985d8add985d8af d8b3d8b1d8a7d8ac d8b3db92 d985d8b9d8b0d8b1d8aa daa9d8b1 d984db8c 1

شکایات پر کرکٹ آسٹریلیا نے مہمان کھلاڑیوں سے معذرت کرتے ہوئے الزامات کی تحقیقات کا آغاز کر دیا ہے۔

ہیڈ آف انٹیگریٹی اینڈ سیکیورٹی شان کیرول نے ایک بیان میں کہا کہ”یہ انتہائی افسوسناک ہے کہ دو دوستانہ حریفوں کے مابین زبردست جذبے کے ساتھ مقابلہ ہوا، ایک عمدہ ٹیسٹ میچ دیکھنے کو ملا لیکن کچھ تمائشیوں کے عمل نے زبردست کھیل کو داغدار کر دیا ۔”

d988d8a7d8b1d986d8b1 d986db92 d985d8add985d8af d8b3d8b1d8a7d8ac d8b3db92 d985d8b9d8b0d8b1d8aa daa9d8b1 d984db8c 2

انہوں نے کہا کہ کرکٹ آسٹریلیا مہمان کھلاڑیوں سے ہونے والے سلوک پر معذرت کرتا ہے اور نیوساؤتھ ویلز پولیس کے ساتھ ساتھ اپنے طور پر بھی الزامات کی تحقیقات جاری رکھے ہوئے ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے