1 مارچ, 2021
d8b3d986d8afdabe d8addaa9d988d985d8aa daa9d8a7 d8a7d8b3daa9d988d984 d985db8cdaba d8afd8a7d8aed984db81 d984db8cd986db92 d988d8a7d984db92
سندھپاکستانتعلیم و صحتخبریںکراچی

سندھ حکومت کا اسکول میں داخلہ لینے والے بچوں کے حوالے سے اہم فیصلہ

سندھ حکومت نے وبائی امراض کے ضابطے کے لئے اہم فیصلہ کرتے ہوئے کہا ہے کہ اسکول میں داخلہ لینے پر بچے کا ٹی بی اور ہیپاٹائٹس و دیگر ٹیسٹ کیے جائیں گے۔

تفصیلات کے مطابق وزیرصحت سندھ عذراپیچوہو کی سربراہی میں کمیونیکیبل ڈزیزز کنٹرول پر اہم اجلاس ہوا، جس میں وبائی امراض کے ضابطے کے لئے اہم فیصلہ کرتے ہوئے کہا گیا کہ اسکول میں داخلہ لینے پر بچے کا ٹی بی اور ہیپاٹائٹس و دیگرٹیسٹ کیے جائیں گے۔

وزیر صحت سندھ کا کہنا تھا کہ اسکریننگ سے ہم 32 مختلف امراض کی تشخیص کر سکتے ہیں، اس سے بیماریوں کو سمجھنےاورعلاج میں مدد مل سکے گی، فیصلہ ہوا ٹی بی کے علاج میں استعمال دواؤں کی کھلے عام فروخت کنٹرول کی جائے گی۔

عذرا پیچوہو نے مزید کہا حکومت ٹی بی کنٹرول پروگرام کے تحت علاج، دواؤں مفت دے رہی ہے، رتوڈیرو میں حاملہ خواتین کی ایچ آئی وی ایڈز کی اسکریننگ کی جائے گی۔

اجلاس میں آگاہی مہم، ایچ آئی وی متاثرہ افراد کی رہنمائی کیلئے بھی اقدامات اٹھانے کا فیصلہ کیا گیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے