26 جنوری, 2021
d984d8a7db81d988d8b1 daa9db8c daa9d988d986 d8b3db8c 5 d8b3da91daa9db8cdaba db81db8cdaba d8acd986 d9bed8b1 d8a7d8a8 daa9d988d8a6db8c daaf
لاہورپاکستانخبریں

لاہور کی کون سی 5 سڑکیں ہیں جن پر اب کوئی گداگر نہیں ملے گا؟

بلدیہ عظمیٰ نے لاہور کی پانچ اہم سڑکوں کو گداگروں سے پاک قرار دے دیا ہے، ایک نوٹیفکیشن بھی جاری کیا گیا۔

تفصیلات کے مطابق کمشنر و ایڈمنسٹریٹر بلدیہ عظمیٰ ذوالفقار گھمن نے لاہور کی پانچ اہم سڑکوں کو بھکاری فری قرار دے دیا، بلدیہ عظمیٰ لاہور ان سڑکوں سے تمام بھکاریوں کو ہٹائے گی اور انھیں مکمل بھکاری فری بنائے گی۔

ایڈمنسٹریٹر بلدیہ عظمیٰ لاہور کی جانب سے جاری کردہ نوٹیفکیشن کے مطابق بھکاریوں سے پاک سڑکوں میں مال روڈ، لوئر مال روڈ، جیل روڈ، ایم ایم عالم روڈ اور مین فیروزپور روڈ شامل ہیں۔

کمشنر لاہور ذوالفقار گھمن نے ایم سی ایل کو ان سڑکوں سے بھکاریوں کو ہٹانے کے لیے انتظامات کی ہدایات جاری کرتے ہوئے کہا ہے کہ ایم سی ایل ان سڑکوں پر کسی بھکاری کو داخل نہ ہونے کے لیے مستقل انتظامات رکھے گی۔

یاد رہے کہ گزشتہ ماہ لاہور کی ترقی کے لیے وزیر اعلیٰ پنجاب عثمان بزدار نے اربوں روپے کے میگا منصوبوں کا اعلان کیا تھا، انھوں نے کہا فیروز پور روڈ پر 9 ارب روپے کی لاگت سے ایک ہزار بیڈ کا جنرل اسپتال بنایا جائے گا، 400 بیڈز جنرل، 400 کارڈ یالوجی، 200 بیڈز پر بلڈ ڈیزیز کا اسپتال بنے گا، یہ نیا اسپتال ارفع کریم ٹیکنالوجی ٹاور کے قریب ایل ڈی اے کی اراضی پر بنایا جائے گا۔

انھوں نے یہ بھی کہا کہ لاہور میں تمام بڑی سڑکوں پر ٹریفک جام معمول بن چکا ہے، شاہ کام چوک اور کریم بلاک مارکیٹ چوک پر فلائی اوور بنائے جائیں گے، دونوں منصوبوں پر تقریباً 6 ارب روپے لاگت آئے گی۔

فیروزپور روڈ پر ایک ارب روپے کی لاگت سے انڈر پاس بھی بنایا جائے گا، ریلوے اسٹیشن سے شیرانوالہ گیٹ تک ساڑھے 4 ارب سے اوور ہیڈ برج بنایا جائے گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے