25 جنوری, 2021
d8aad8b1daa9db8c d8a7d988d8b1 d9bed8a7daa9d8b3d8aad8a7d986 daa9db92 d985d8a7d8a8db8cd986 d988d981d988d8af daa9db8c d8b3d8b7d8ad d9bed8b1
اسلام آبادپاکستانخبریںمشرق وسطی

ترکی اور پاکستان کے مابین وفود کی سطح پر مذاکرات

ترکی اور پاکستان کے مابین وفود کی سطح پر مذاکرات ہوئے ، جس میں وزیرخارجہ شاہ محمود قریشی نے کہا کہ  دونوں ملک باہمی مراسم اسٹرٹیجک شراکت داری میں بدل سکتے ہیں۔

تفصیلات کے مطابق وزارت خارجہ میں ترکی اور پاکستان کے مابین وفود کی سطح پر مذاکرات ہوئے، وزیرخارجہ شاہ محمود قریشی اورترک ہم منصب نے وفود کی قیادت کی۔

وزیر خارجہ نے ہلال پاکستان عطا کیے جانے پر ترک وزیر خارجہ کو مبارکباد دیتے ہوئے کہا ترک صدر کے دورہ پاکستان سےتعلقات مزید مستحکم ہوئے۔

شاہ محمود قریشی نے ترکی میں گیس کے نئے ذخائر کی دریافت پر مبارکباد دی اور کہا کورونا کے پیش نظرکمزور معیشتوں کوسہارادینے کی ضرورت ہے ، دونوں ملک باہمی مراسم اسٹرٹیجک شراکت داری میں بدل سکتے ہیں ، ترک کاروباری حضرات کیلئے ای ویزےکا اجراکیا۔

ان کا کہنا تھا کہ مقبوضہ کشمیر میں انسانی حقوق کی سنگین خلاف ورزیاں جاری ہیں، عالمی برادری بھارت پر غیرجانبدارمبصرین کی تعیناتی پر زور دے۔

افغانستان کے حوالے سے وزیر خارجہ نے کہا افغانستان میں قیام امن کےلیےکوششیں کررہےہیں، افغان رہنمااورویلوسی جرگہ کے اراکین پاکستان تشریف لائے اور وزیر اعظم عمران خان افغان صدر کی دعوت پر افغانستان گئے اور دو طرفہ تعلقات مستحکم بنانے کیلئے جامع روڈ میپ پر اتفاق کیا گیا۔

شاہ محمود قریشی کا کہنا تھا کہ پاکستان نےکورنوکالاباخ پر آذربائیجان کے موقف کی تائیدکی اور فلسطین کے حوالے سے پاکستان دو ریاستی حل کے موقف پرقائم ہے۔

ترک وزیر خارجہ نے پرتپاک خیر مقدم پر شکریہ ادا کرتے ہوئے باہمی تعاون کیلئے مشترکہ کوششیں جاری رکھنے کا عندیہ دیا اور کہا ہم پاکستان کو اپنا دوسرا گھر سمجھتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے