25 جنوری, 2021
5
اسلام آبادپاکستانسیاست

عارف علوی اور وزیراعظم کی ظفراللہ جمالی کے انتقال پر اہلخانہ سے تعزیت

صدر مملکت ڈاکٹر عارف علوی نے سابق وزیر اعظم ظفر اللہ جمالی کے انتقال پر اظہار افسوس کرتے ہوئے کہا کہ بطور ممبر قومی اسمبلی وہ ایک بااخلاق انسان کے طور پر جانے جاتے تھے۔

صدر مملکت ڈاکٹر عارف علوی، وزیر اعظم عمران خان اور آرمی چیف جنرل قمر جاوید باجوہ سمیت ملک تمام اہم شخصیات نے سابق وزیر اعظم میر ظفر اللہ خان جمالی کے انتقال پر اہل خانہ سے تعزیت پیش کی ہے۔

وزیراعظم عمران خان اور آرمی چیف نے سابق وزیراعظم کے جہان فانی سے رخصت ہونے پر اظہار افسوس کرتے ہوئے دعا کی اللہ مرحوم کے درجات بلند اور اہل خانہ کو صبر جمیل عطا فرمائے۔

صدر مملکت عارف علوی نے بھی مرحول کے بلندی درجات کےلیے دعا کی اور کہا کہ اللہ تعالٰی لواحقین کو صبر عطا فرمائے۔ ڈاکٹر عارف علوی کا کہنا تھا کہ بطور ممبر قومی اسمبلی وه ایک بااخلاق انسان کے طور پر جانے جاتے تھے۔

خیال رہے کہ کچھ دیر قبل سابق وزیر اعظم پاکستان میر ظفر اللہ خان جمالی مختصر علالت کے بعد 76 برس کی عمر میں قضائے الہی سے انتقال فرماگئے، وہ گزشتہ تین روز سے وینٹی لیٹر پر موت اور زندگی کی جنگ لڑ رہے تھے۔

انہوں نے 21 نومبر 2002ء کو ملک کے 15ویں وزیر اعظم کا حلف اٹھایا اور 2004ء تک بطور وزیر اعظم اپنی ذمہ داریاں انجام دیتے رہے، 26 جون 2004ء کو ظفر اللہ خان جمالی نے وزارتِ عظمیٰ کے عہدے سے استعفیٰ دیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے