25 جنوری, 2021
11
پاکستاناسلام آبادایشیابین الاقوامیجرم و انصافخبریں

تھائی لینڈ میں پاکستانی قیدیوں کے لیے خوش خبری

تفصیلات کے مطابق تھائی لینڈ میں سزا مکمل کرنے والے پاکستانی قیدیوں کو واپس لایا جائے گا، پاکستانیوں کی بڑی تعداد سزا مکمل کرنے کے باوجود تھائی جیلوں میں قید ہے۔

اس سلسلے میں وزارت خارجہ نے وفاقی سیکریٹری وزارت قومی صحت کو مراسلہ ارسال کرتے ہوئے کہا ہے کہ براہ راست پرواز دستیاب نہ ہونے پر پاکستانی وطن واپس نہیں آ سکے، اب تھائی لینڈ سے پاکستانیوں کو لانے کے لیے خصوصی پرواز چلائی جائے گی، اس لیے وزارتِ صحت تھائی لینڈ کو کیٹگری B سے A میں شامل کرے۔

مراسلے کے مطابق وزارت صحت کی درجہ بندی لسٹ میں تھائی لینڈ کی کیٹگری بی ہے، تھائی لینڈ نے پاکستان کو کرونا کے خلاف حکومتی اقدامات سے آگاہ کیا، بتایا گیا کہ تھائی لینڈ میں کئی ماہ سے کرونا کی لوکل ٹرانسمیشن نہیں ہو رہی، کرونا ایس او پیز پر بھی سختی سے عمل درآمد جاری ہے۔

مراسلے میں کہا گیا کہ وزارت صحت تھائی لینڈ میں کرونا صورت حال کا از سر نو جائزہ لے، کیٹگری میں تبدیلی سے پاکستانیوں کی وطن واپسی میں آسانی ہوگی۔

مراسلے کے مطابق بی کیٹگری ممالک سے آنے والوں کے لیے کرونا پی سی آر ٹیسٹ لازم ہے، ذرائع کا کہنا ہے کہ کیٹگری میں تبدیلی پر تھائی لینڈ سے آنے والوں کا پی سی آر ٹیسٹ نہیں ہو گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے