0
0
0
پنجاب حکومت کے نوٹیفکیشن کے مطابق صوبے بھر کے ڈسٹرکٹ اور تحصیل ہیڈ کوارٹر اسپتالوں میں ڈینگی کا تشخیصی ٹیسٹ مفت کیا جائے گا

شعیب سعید آسی

محکمہ صحت پنجاب نے ڈینگی کے مریضوں کی سہولت کیلئے صوبے بھر کے سرکاری اسپتالوں میں ڈینگی کے تشخیصی ٹیسٹ کی فیس ختم کر دی۔

پنجاب حکومت کے نوٹیفکیشن کے مطابق صوبے بھر کے ڈسٹرکٹ اور تحصیل ہیڈ کوارٹر اسپتالوں میں ڈینگی کا تشخیصی ٹیسٹ مفت کیا جائے گا۔

خیال رہے کہ ملک بھر میں ڈینگی سے ہزاروں افراد بیمار ہوچکے ہیں۔ پنجاب میں مزید 348 افراد ڈینگی کا شکار ہوئے ہیں جبکہ راولپنڈی میں 127 اور اسلام آباد میں 198 کیسز رپورٹ ہوچکے ہیں۔

پنجاب میں ڈینگی سے متاثرہ افراد کی تعداد 2 ہزار 158 ہوگئی ہے جبکہ سندھ میں ڈینگی سے متاثرہ افراد کی تعداد 2 ہزار 232 تک جا پہنچی ہے۔

بلوچستان میں رواں سال ڈینگی کے 2 ہزار 618 کیسز رپورٹ کیے گئے اور خیبر پختونخوا میں بھی ڈینگی کے مریضوں کی تعداد دو ہزار سے تجاوز کرگئی ہے۔

آپ کا ردعمل؟

پوسٹ کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔


فیس بک کمنٹس