0
0
0
سلامتی کونسل کی قراردادوں کے ذریعے تنازع کشمیر کے حل جیسے مطالبات کرنے والے 58 ممالک قابل تحسین ہیں۔

شعیب سعید آسی

وزیراعظم عمران خان نے کہا ہے کہ انسانی حقوق کونسل میں مسئلہ کشمیر پر پاکستان کا ساتھ دینے والے 58 ممالک کو سراہتے ہیں۔

سماجی رابطوں کی ویب سائٹ ٹوئٹر پر جاری بیان میں وزیراعظم عمران خان نے کہا کہ 10 ستمبر کو انسانی حقوق کونسل میں پاکستان کے ساتھ مل کر عالمی برادری کی جانب سے بھارت سے طاقت کا استعمال روکنے، کرفیو اٹھانے، بندشیں ہٹانے، کشمیریوں کے حقوق کی تکریم و تحفظ کرنے اور سلامتی کونسل کی قراردادوں کے ذریعے تنازع کشمیر کے حل جیسے مطالبات کرنے والے 58 ممالک قابل تحسین ہیں۔

عمران خان نے مزید کہا کہ میں انسانی حقوق کونسل میں اقوام متحدہ کی سلامتی کونسل کی قراردادوں، بین الاقوامی قانون اور دوطرفہ معاہدوں کی روشنی میں تنازع کشمیر کے پرامن حل کے یورپی یونین کے مطالبے کا بھی خیر مقدم کرتا ہوں۔

وزیراعظم عمران خان نے اعلان کیا کہ وہ مقبوضہ کشمیر میں بھارتی ظلم کے خلاف اور کشمیریوں سے یکجہتی کیلئے جمعے کو مظفرآباد میں بڑے عوامی اجتماع سے خطاب کریں گے۔

آپ کا ردعمل؟

پوسٹ کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔


فیس بک کمنٹس