0
0
0
پاکستانی وقت کے مطابق دونوں ٹیمیں دوپہر ڈھائی بجے کارڈف میں مدمقابل ہوں گی

شعیب سعید آسی

 پاکستان اور بنگلادیش کے درمیان وارم اپ میچ بوندا باندی کے باعث تاخیر کا شکار ہے۔

ورلڈکپ سے قبل ٹیموں کے وارم اپ میچز کھیلے جارہے ہیں اور اس سلسلے میں پاکستان اپنا دوسرا میچ بنگلادیش کے خلاف کھیلے گا۔

کارڈف میں بنگلادیش کے خلاف کھیلے جانے والے میچ کا ٹاس پاکستانی وقت کے مطابق دوپہر 2 بجے ہونا تھا تاہم بوندا باندی کے باعث ٹاس بھی نہیں ہوسکا۔

اس سے قبل افغانستان کے خلاف وارم اپ میچ میں پاکستان کو 3 وکٹوں سے شکست کا سامنا کرنا پڑا تھا۔

قومی ٹیم کے جارح مزاج بلے باز آصف علی نے ٹیم کو جوائن کرلیا، وہ کینسر میں مبتلا اپنی کمسن بچی کی وفات کے باعث پاکستان آئے تھے۔

قومی اسکواڈ کپتان سرفراز احمد، فخر زمان، امام الحق، بابراعظم، آصف علی، حارث سہیل، شعیب ملک، محمد حفیظ، عماد وسیم، شاداب خان، محمد عامر، حسن علی، شاہین شاہ آفریدی، محمد حسنین اور وہاب ریاض پر مشتمل ہے۔

بنگلادیشی اسکواڈ کپتان مشرفی مرتضیٰ، تمیم اقبال، لٹن داس، سومیا سرکار، شکیب الحسن، ابو جاوید، مہدی حسن، محمد مٹھن، محمد سیف الدین، محمد اللہ، مصدق حصین، مشفق الرحیم، مستفیض الرحمان، روبیل حسین اور شبیر رحمان پر مشتمل ہے۔

آپ کا ردعمل؟

پوسٹ کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔


فیس بک کمنٹس