’ارکان اسمبلی کو ووٹ کی خاطر حج فریضہ سے روکنے پر حمزہ شہباز توبہ کریں‘

d8a7d8b1daa9d8a7d986 d8a7d8b3d985d8a8d984db8c daa9d988 d988d988d9b9 daa9db8c d8aed8a7d8b7d8b1 d8add8ac d981d8b1db8cd8b6db81 d8b3

اسلام آباد: سنی اتحاد کونسل کے چیئرمین صاحبزادہ حامد رضا کا کہنا ہے کہ ارکان اسمبلی کو ووٹ کی خاطر حج فریضہ سے روکنے پر حمزہ شہباز توبہ کریں۔

اے آر وائی نیوز کے مطابق سنی اتحاد کونسل کے چیئرمین صاحبزادہ حامد رضا نے کہا کہ نام نہاد وزیراعلیٰ کا سپریم کورٹ میں ارکان اسمبلی کو روکنا شرمناک عمل ہے کسی کو صرف ووٹ کے لیے حج سے روکنا سنگین گناہ ہے۔

انہوں نے کہا کہ سیاست دانوں نے دین کومذاق بنانا شروع کردیا ہے اور لوگوں کو دینی فرائض سے روکنے والے حکمران بن گئے ہیں۔

صاحبزادہ حامد رضا نے کہا کہ عدالتی فیصلے سے واضح ہوا غیرمنتخب شخص پنجاب حکومت چلاتا رہا ہے ان کے اسلام مخالف بیان پر درباری خاموش بیٹھے ہیں۔

واضح رہے کہ سپریم کورٹ نے حکم دیا ہے کہ وزیراعلیٰ پنجاب کا الیکشن اب 22 جولائی کو ہوگا اور اس حوالے سے تفصیلی فیصلہ بعد میں جاری کیا جائے گا۔

خیال رہے کہ 17 جولائی کو پنجاب کے 20 حلقوں میں ضمنی الیکشن ہوگا اور 22 جولائی تک ان نشستوں پر بھی ارکان متخب ہوچکے ہوں گے جبکہ پانچ مخصوص نشستوں کا نوٹیفکیشن بھی الیکشن کمیشن کی جانب سے جاری کردیا جائے گا اور ایوان مکمل ہوچکا ہوگا۔

جواب دیں