20 جنوری, 2021
d986d988d8a7d8b2 d8b4d8b1db8cd981 daa9d988 d988d8a7d984d8afdb81 daa9db8c d8aad8afd981db8cd986 d985db8cdaba d8b4d8b1daa9d8aa d8b3db92
خبریںاسلام آبادپاکستانسیاست

نواز شریف کو والدہ کی تدفین میں شرکت سے نہیں روکا، شبلی فراز

d986d988d8a7d8b2 d8b4d8b1db8cd981 daa9d988 d988d8a7d984d8afdb81 daa9db8c d8aad8afd981db8cd986 d985db8cdaba d8b4d8b1daa9d8aa d8b3db92

اسلام آباد: وفاقی وزیر برائے اطلاعات شبلی فراز کا کہنا ہے کہ ہم نے نواز شریف، ان کے بیٹوں اور اسحاق ڈار کو بیگم شمیم اختر کی تدفین میں شرکت سے نہیں روکا۔

اے آر وائی نیوز کی رپورٹ کے مطابق وفاقی وزیر اطلاعات شبلی فراز نے میڈیا سے گفتگو کرتے ہوئے کہا کہ نواز شریف کی والدہ کے انتقال پر وزیراعظم سمیت وزرا نے تعزیتی پیغام بھیجے، ہم نے نواز شریف اور ان کے بیٹوں کو تدفین میں شرکت سے نہیں روکا۔

انہوں نے کہا کہ شہباز شریف، حمزہ شہباز کی پیرول پر رہائی کی خبریں کچھ دیر میں آجائیں گی، کنفرم نہیں کہہ سکتا مگر خبریں ہیں کہ 5 دن کے لیے پیرول پر رہا کیا جارہا ہے۔

کورونا کے حوالے سے شبلی فراز نے کہا کہ موجودہ حالات میں ملک جلسے جلوس کا متحمل نہیں ہوسکتا، ان حالات میں جلسے جلوس کرنا سنجیدہ جرم ہوگا، جس کے مرتکب نہیں ہوسکتے۔

شبلی فراز نے کہا کہ اپوزیشن غور سے سنے، کورونا کی موجودہ لہر میں سنجیدہ ہونا پڑے گا، کورونا کی دوسری لہر کافی خطرناک ثابت ہورہی ہے۔

وفاقی وزیر نے کہا کہ اسلام آباد کے اسپتالوں کی صورت حال کا جائزہ لوں گا، معاشی سرگرمیوں سے تعلق نہ رکھنے والی سرگرمیوں سے پرہیز کرنا چاہئے۔

کشمیر سے متعلق انہوں نے کہا کہ چاہتے ہیں مسئلہ کشمیر اقوام متحدہ کی قراردادوں کے مطابق حل ہو، بھارت دنیا میں فاشسٹ اور انتہاپسند کی شکل میں ابھر رہا ہے، اسرائیل کے معاملے پر ہماری پوزیشن میں کوئی تبدیلی نہیں آئی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے