سپریم کورٹ کے حکم پر 15 ارب روپے کی جائیداد واگزار کروالی گئی

d8b3d9bed8b1db8cd985 daa9d988d8b1d9b9 daa9db92 d8addaa9d985 d9bed8b1 15 d8a7d8b1d8a8 d8b1d988d9bedb92 daa9db8c d8acd8a7d8a6db8cd8afd8a7

اسلام آباد: سپریم کورٹ کے حکم پر وفاقی تحقیقاتی ایجنسی (ایف آئی اے) نے بڑی کارروائی کرتے ہوئے 15 ارب روپے کی جائیداد واگزار کروالی، محکمے کے 21 ملازمین، 4 سرکاری حکام اور 81 نجی افراد کے خلاف مقدمات بھی درج کیے جا رہے ہیں۔

تفصیلات کے مطابق سپریم کورٹ کے حکم پر وفاقی تحقیقاتی ایجنسی (ایف آئی اے) نے بڑی کارروائی کرتے ہوئے متروکہ املاک بورڈ کی 15 ارب روپے کی جائیداد واگزار کروالی۔

ایف آئی اے نے متروکہ جائیداد کے کرائے کی مد میں 29 کروڑ 60 لاکھ روپے بھی ریکور کرلیے۔

ڈی جی ایف آئی اے ثنا اللہ عباسی نے پیش رفت رپورٹ عدالت عظمیٰ میں جمع کروا دی۔ رپورٹ میں کہا گیا ہے کہ 15 ارب 73 کروڑ کی جائیدادوں پر غیر قانونی قبضے کے خلاف کارروائی کی گئی۔

رپورٹ کے مطابق 15 ارب 2 کروڑ 87 لاکھ کی جائیداد غیر قانونی قبضے سے واگزار کروائی گئی، متروکہ جائیدادوں کے کرایے کی مد میں 29 کروڑ 60 لاکھ روپے ریکور کیے گئے۔

رپورٹ میں کہا گیا کہ غیر قانونی قبضے اور واجبات کی عدم ادائیگی پر 197 انکوائریز جاری ہیں، متروکہ املاک کے 21 ملازمین، 4 سرکاری حکام اور 81 نجی افراد کے خلاف مقدمات درج کیے جا رہے ہیں۔

عدالت میں پیش کی گئی رپورٹ میں مزید کہا گیا کہ عدالتی حکم اور آڈیٹر جنرل کی رپورٹ کی روشنی میں مزید کارروائی جاری ہے۔

The post سپریم کورٹ کے حکم پر 15 ارب روپے کی جائیداد واگزار کروالی گئی appeared first on ARYNews.tv | Urdu – Har Lamha Bakhabar.

جواب دیں