20 جنوری, 2021
d8afd988d8b1db81 d986db8cd988d8b2db8c d984db8cd986da88e2808c d8b3db92 d982d8a8d984 d982d988d985db8c d9b9db8cd985 daa9d988 d8afdabeda86
خبریںپاکستانپنجابکرکٹکھیللاہور

دورہ نیوزی لینڈ‌ سے قبل قومی ٹیم کو دھچکا

d8afd988d8b1db81 d986db8cd988d8b2db8c d984db8cd986da88e2808c d8b3db92 d982d8a8d984 d982d988d985db8c d9b9db8cd985 daa9d988 d8afdabeda86

لاہور: پاکستان کرکٹ بورڈ (پی سی بی) کا کہنا ہے کہ اوپنر فخر زمان دورہ نیوزی لینڈ سے دستبردار ہوگئے۔

تفصیلات کے مطابق پی سی بی کا کہنا ہے کہ اوپنر فخر زمان تیز بخار کے باعث دورہ نیوزی لینڈ سے دستبردار ہوگئے، انہیں ٹیم ہوٹل میں قرنطینہ کردیا گیا ہے۔

پی سی بی کے مطابق فخر زمان کا کورونا ٹیسٹ منفی آیا تھا، انہیں آج تیز بخار کی علامات ظاہر ہوئیں۔

ٹیم ڈاکٹر سہیل سلیم کا کہنا تھا کہ فخر زمان کی کورونا رپورٹ ہفتے کے روز موصول ہوئی تھی جو منفی آئی تھی لیکن آج انہیں بخار کی علامات ظاہر ہوئیں، بخار کے باعث انہیں باقی کھلاڑیوں سے الگ کرکے قرنطینہ کردیا گیا ہے۔

انہوں نے کہا کہ ہم مستقل طور پر فخر زمان کی حالت پر نظر رکھے ہوئے ہیں اور ان کی جلد صحت یابی کے لیے پرامید ہیں۔

ڈاکٹر سہیل کا کہنا ہے کہ فخر زمان بخار کے باعث اسکواڈ کے ساتھ سفر کرنے کے قابل نہیں ہیں، وہ ٹیم کے ساتھ نیوزی لینڈ نہیں جاسکیں گے۔

واضح رہے کہ قومی ٹیم کل صبح 3 بجے نیوزی لینڈ کے لیے روانہ ہوگی، نیوزی لینڈ پہنچ کر ٹیم ولنگٹن میں 14 روزہ قرنطینہ مکمل کرےگی۔

پاکستانی ٹیم دورہ نیوزی لینڈ میں 3 ٹی 20 اور 2 ٹیسٹ میچز کھیلے گی، جب کہ پہلا ٹی ٹوینٹی 18 دسمبر کو آکلینڈ میں کھیلا جائے گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے