25 جنوری, 2021
6
میگزینبین الاقوامیفن و ثقافتہالی ووڈ

میں خاتون نہیں ٹرانس جینڈر ہوں امریکی اداکارہ ایلن پیج کا انکشاف

کینیڈین نژاد امریکی اداکارہ 33 سالہ ایلن پیج نے انکشاف کیا ہے کہ دراصل وہ خاتون نہیں بلکہ ٹرانس جینڈر ہیں۔

ایلن پیج نے 1997ء میں کم عمری میں کینیڈین ٹی وی سی بی سی پر اداکاری کا آغاز کیا تھا اور ابتدائی دور سے اب تک وہ ایک خاتون کے طور پر کام کرتی دکھائی دیں۔

ایلن پیج کو اس وقت شہرت حاصل ہوئی جب انہوں نے 2005ء میں امریکی تھرلر فلم ہارڈ کینڈی میں ایک ایسی 14 سالہ لڑکی کا کردار ادا کیا، جس پر ایک مرد وحشیانہ جنسی تشدد کرتا ہے۔

بعد ازاں ایلن پیج نے 2007ء کی کامیڈی رومانٹک فلم جونو میں بھی ایک ایسی جواں سالہ لڑکی کا کردار ادا کیا تھا جو نہ چاہتے ہوئے بھی حاملہ بن جاتی ہیں اور شاندار اداکاری دکھانے پر انہیں آسکر کے لیے بھی نامزد کیا گیا جب کہ اسی فلم کے باعث انہیں دیگر بڑے فلمی ایوارڈز کے لیے بھی نامزد کیا گیا۔

انہیں ایک طاقتور خاتون کے طور پر پہچانا جاتا رہا ہے تاہم یکم دسمبر کو انہوں نے اپنی سوشل میڈیا پوسٹس میں انکشاف کیا کہ وہ خاتون نہیں بلکہ ٹرانس جینڈر ہیں۔

خبر رساں ادارے ایسوسی ایٹڈ پریس (اے پی) کے مطابق ایلن پیج نے اپنی انسٹاگرام پوسٹ میں اعتراف کرتے ہوئے فخر کیا کہ وہ ٹرانس جینڈر ہیں۔

ایلن پیج نے پوسٹ میں اپنا نام بھی تبدیل کرنے کا اعلان کیا اور انہوں نے اپنا نام ایلن کے بجائے ایلئٹ لکھا۔

انہوں اپنے ساتھ پیش آنے والی مشکلات کا ذکر بھی کیا اور کہا کہ انہیں خوشی ہے کہ بالآخر انہوں نے سب کے سامنے اپنی جنس کا اعتراف کیا۔

انہوں نے اس عزم کا اعادہ بھی کیا کہ وہ اب بھی ٹرانس جینڈر افراد کے حقوق کے لیے کام کرتی رہیں گی۔

ایلئٹ پیج کی جانب سے خود کو مخنث قرار دیے جانے کے بعد کئی فلمی شخصیات نے انہیں مبارکباد دیتے ہوئے ان کے لیے نیک خواہشات کا اظہار بھی کیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے